На стадионот на Партизан вчера била исклучена струјата поради долг од 26 милиони динари (13 милиони денари), пренесуваат српските медиуми. Исклучени се броилата во сопственост на фудбалскиот клуб, додека канцелариите и просториите кои се под ингиренции на спортското друштво имаат електрична енергија. Исклучено е напојувањето и на рефлекторите.
Моментално исклучувањето не ги „погоди“ играчите на Партизан кои во моментов се на подготовки во Словенија. Меѓутоа долгот е наталожен веќе со месеци, и ќе мора да се подмири до почетокот на сезоната.
Од ФК Партизан како одговорни за долгот го споменуваат Југословенското спортско друштво, чие ново раководство е во спор со челниците на фудбалскиот клуб. До почетокот на сезоната има нешто помалку од еден месец, и „црно-белите“ ќе мора да го решат овој проблем.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
