Македонската машка сениорска кошаркарска репрезентација патот до Евробаскетот 2025 година го започнува од Скопје и тоа со најважниот натпревар во квалификациите во кои за противници ги имаме Естонија, Литванија и Полска.
На 23. февруари 2024 година во Македонија ќе гостува Естонија, интересно противник со кој ги започнавме и квалификациите за Евробаскетот 2022, а претрпевме пораз во преполниот СЦ „Борис Трајковски“. Исто како и тогаш овој натпревар ќе биде од огомно значење со цел исполнување на амбцијата за пласман на континенталниот собир.
Првиот прозорец ќе биде комплетиран на 26.02 со гостување во Полска по што не очекува репрезентативна пауза до ноември кога ќе се сретнеме два пати со Литванија, прво на домашен терен, а потоа и на гости.
Во третиот прозорец кој ќе биде одржан во февруари 2025 година не очекува гостување кај Естонија и домашен натпревар во Полска.
Како потсетување, со оглед на тоа што од секоја од групите по две репрезентации одат на Евробаскет, а Полска е еден од домаќините на шампионатот, исто како и во квалификациите за Евробаскетот 2022, нашите репрезентативци повторно ќе треба да бидат подобри само од Естонија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
