Фудбалерот на Јувентус Анхел Ди Марија, ќе паузира најмалку 10 дена поради повреда на адукторот, соопшти клубот од Торино.
Ди Марија дебитираше синоќа во победата на Јувентус над Сасуоло, постигна и гол, забележа и асистенција, но поради повреда мораше да го напушти теренот во 66. минута. Денеска бил на прегледи, после кои е востановено дека повредата не е од потешка природа.
Аргентиноецот сигурно ќе го пропушти гостувањето кај Сампдорија, како и дербито против Рома во Торино во третото коло во Серија „А“.
Ди Марија дојде во Јувентус како слободен играч, откако му истече договорот со ПСЖ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
