Младиот македонски ракометар Павле Атанасијевиќ на носилки по синоќешниот натпревар со Аргентина беше изнесен од „Таурон арената“ во Краков.
Атанасијевиќ по повредата која ја заработи во финишот на натпреварот, а изгледаше навистина сериозно, веднаш беше пренесен во Клиничкиот центар во Краков, каде беа реализирани комплетни дијагностички процедури.
„По првичните прегледи утврдено е дека се работи за контузија (набиеница) на местото каде што е добиен ударот. Повредата не е од сериозен тип“ – е официјалната информација по дијагностичките прегледи.
Наредниве денови дополнително ќе се знае дали и колку Атанасијевиќ ќе може да биде вклучен на натпреварите во „Президент купот“ во Плоцк.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
