Неочекувано, по натпреварот против Будуќност пристигна информација дека Камерон Пејн има понуда да се врати во НБА лигата . Иако американскиот плејмејкер покажа јасен квалитет во тимот на Џоан Пењароха , раководството на Партизан одлучи дека во овој момент е поважно да се постигне рекорден трансфер. И тоа во моментот кога сè е подготвено за враќањето на Карлик Џонс во тимот.
Имено, според информациите од „Моцарт Спорт“, црно-белите заработиле 1.750.000 долари од целиот договор со Филаделфија, што е најголемиот трансфер во историјата на Партизан во 21 век. Одлука што има смисла ако се знае дека Камерон Пејн дефинитивно го напушта Партизан на крајот од сезоната бидејќи му истекува договорот и тешко беше да се очекува дека ќе потпише нов.
Сепак, плејмејкерската позиција нема да остане празна, затоа што Карлик Џонс ќе се врати на паркетот веднаш по завршувањето на „Купот Радивоје Кораќ“, затоа што повредата е санирана по неколку месеци пауза.
Откако дојде во Партизан Моцарт Бет, Пејн одигра 10 натпревари од Евролигата за „црно-белите“, кои со него во тимот имаа резултат од три победи и седум порази. Тој во просек играше 23,2 минути по натпревар и постигнуваше 14,4 поени, 3,9 асистенции и 2,2 изгубени топки по натпревар, додека шутираше со 53 проценти од шутевите за два поени и 33 проценти од шутевите за три поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
