Со искусниот Борче Маневски во нападот и уште две нови имиња, Мирко Симјановски од Неготино и Мики Јовановски од Лабуништа, фудбалскиот второлигаш Пелистер ги стартуваше подготовките за новата сезона. Тимот на Дарко Крстески го напуштија Ристе Марковски, Ристе Илиовски, Јовче Трајковски и Петар Љамчевски, а кадровски Пелистер е засилен со Пеце Коруновски на позицијата спортски директор.
„Почнуваме со лесни тренинзи денеска и утре, а од петок следи двојна програма. Имаме време, нема да се форсираме, но ако сакаме Прва лига, таа сега се сработува, во подготвителниот период, оти кога ќе дојдат натпреварите – ќе биде доцна. Пелистер ќе работи во Битола, ќе одигра пет пријателски натпревари, дел од нив најверојатно во Охрид“, изјави тренерот Дарко Крстески.
Фото: www.bitolanews.mk
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
