Кошаркарите на Пелистер стигнаа до нов триумф во Првата лига откако денеска на домашен терен во арената „Боро Чурлевски“ во Битола славеа над Феникс со 71-67 и со тоа ја прекинаа низата од четири победи на гостинскиот тим.
Гостите феноменално го стартуваа натпреварот и веќе по првата четвртина имаа двоцифрена предност (10-22). Како одминуваше првото полувреме избраниците на Дарко Радуловиќ успеваа да најдат ритам, па до паузата успеаја да ја преполоват негативата (31-37).
Пелистерци во второто полувреме на теренот излегоа како некој нов тим од првите 20 минути, па со одлична игра, особено во фазата на одбрана успеаја да стигнат до целосен пресврт и конечен триумф од 71-67.
Јуре Планиниќ со 21 поен беше најефикасен во таборот на побендичкиот тим, додека кај поразените недоволни беа 24 поени на Семаје Џонс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
