Повредата што Давид Брестовац ја заработи на вечното дерби меѓу Вардар и Пелистер не е од посериозна природа, потврди доцна синоќа битолскиот клуб.
Брестовац настрада по една извонредна интервенција кога на него налета ракометарот на Вардар што шутираше, а првите прогнози беа дека станува збор за сериозен проблем со коленото. За среќа, деталните прегледи не покажаа оштетување на лигаментите, по што стана јасно дека и паузата на младинскиот репрезентативец од терените нема да биде премногу долга.
„Повредата на Давид Брестовац не е сериозна, Давид ќе се врати на терените за 14 дена“, објави Е. Пелистер на официјалната фејсбук-страница.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
