Еурофарм Пелистер го официјализираше транферот на Урош Борзаш, српскиот репрезентатвец кој пристигнува од редовите на норвешки Елверум, каде ја мина ланската сезона. Српските медиуми уште пред неколку дена ја најавија преселбата на Борзаш во Битола, за денеска и официјално да стигне потврда од актуелниот првак на Македонија.
„Српскиот репрезентативец Урош Борзаш е нов член на Еурофарм Пелистер, откако стави потпис на двегодишен договор. 23-годишниот Борзаш е еден од најперспективните леви бекови на континентот, редовен учесник во европските клупски натпреварувања на ЕХФ и член на селекцијата на Србија која рапидно се качува кон европскиот врв. Урош доаѓа во Битола од Норвешка, каде во последните две сезони го носеше дресот на Елверум и редовно играше во Лигата на шампионите. Минатата сезона постигна 49 гола во четиринаесет натпревари во групниот сегмент на Лигата на шампионите за норвешкиот клуб. Борзаш е висок 198 сантиметри, а тежок 101 килограм.Новото засилување на Еурофарм Пелистер е роден во Сента, има српско и унгарско државјанство, а негов матичен клуб е големиот Веспрем. Борзаш го носеше дресот и на Татабања, Тулуз во Франција и норвешки Елверум“, објави Еурофарм Пелистер.
Претставувањето на Борзаш е предвидено на почетокот на подготовките на Еурофарм Пелистер во Битола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
