Тинекс Пролет имаше водство од три гола разлика во самиот финиш од дуелот со Пелистер, но на крајот мораше да се задоволи само со реми (27-27) во 11.коло од ракометната Супер-лига на Македонија. Тоа е прво реми за Тинекс Пролет во шампионатот, и сигурно е непосакувн исход, со оглед дека домашниот тим имаше 27-24 и сметаше дека рутински ќе ја заврши работата до крај.
По првите 30 минути, Тинекс Пролет имаше водство од 17-14.
Во завршницата, Пелистер ја искористи шансата и со три гола во серија, успеа да стигне до реми.
Најефикасни ракометари во домашниот состав беше Ласко Андоновски и Доне Мајнов, кои постигнаа по пет гола, додека во тимот на Пелистер се истакнаа Марко Кобетиќ со шест погодоци и Никола Стоилевски со пет гола.
Струга очекувано го совлада Вардар јуниор на гости со 19-29.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
