Мадрид и понатаму е во шок, откако продолжува објавувањето на снимените разговори на претседателот на Реал Мадрид, Флорентино Перез во кои тој ги навредува сите поранешни соработници.
Шпански „Ел Конфиденсијал“ и понатаму ги споделува разговорите на Перез, овој медиум ги пренесе навредите од Флорентино кон Икер Касилјас, Раул, Жозе Мурињо и Кристијано Роналдо, а сега на ред дојде и Висенте Дел Боске.
„Дел Боске не знае како да ги тренира фудбалерите и не знае ништо за тактика. Тој е глупак. Никој не му нуди работа зашто сите знаат дека не е тренер. Тој е најголем измамник“, кажал Перез.
Перез вчера се јави преку соопштение за целиот случај и порача дека ќе го тужи „Ел Конфиденсијал“ поради објавените снимки.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
