ЕКИПА во Вараждин,
Стеван Цаневски
Жарко Пешевски имаше мала минутажа на дуелот со Гвинеја, добра можност за одличниот пивот да сочува дел од силите за предизвиците што ја очекуваат нашата репрезентација во следната фаза.
Тој гледа на наредните дуели како на идеална можност за надигрување со врвни ривали, за уште поголем напредок на нашиот национален тим.
„Заокружуваме успешна прва фаза освен оној меч со Холандија, на кој немавме среќа, направивме повеќе грешки, тие беа подобри. Со Унгарија се случи тоа што се случи, со Гвинеја планот беше да го добиеме тој меч и го добивме. Сега не чекаат сериозни противници, мораме сериозно да се подготвиме и за нив. Ќе биде тоа добра шанса за надигрување. Франција е велесила, Топ 3 репрезентација. Катар има балкански играчи, им нив како и на нас им врие крвта и нив. Ќе биде тоа еден од решавачките натпревари. Австрија има повредени играчи, но последниве неколку првенства покажа дека е екипа која може да се носи со сите. Но, имаме шанса против нив и шанса за успешно продолжување на ова првенство“, вели Пешевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
