Српскиот селектор Светислав Пешиќ уште еднаш го повтори својот став околу АБА-лигата, јасно ставајќи до знаење дека клубовите од нашиот северен сосед мораат што поскоро да го напуштат регионалното натпреварување.
Пешиќ уште еднаш гласно предупреди дека без оглед на добрите репрезентативни резултати ситуацијата во српската кошарка е критична и мора што поскоро да се преземат конкретни чекори, а еден од нив треба да биде формирање на силна домашна лига.
„Не разбирам за што служи АБА, тоа е лига што веќе не е интересна, што никој не оди во сала да ја гледа освен средбите на Мега во Белград. Се е јасно, се размислува само за финалето, а однапред се знае дека таму ќе играат Партизан и Црвена Звезда. Ако сакаме да зборуваме за српската кошарка, клубовите од нашата земја треба да ја напуштат АБА и да формираме силна домашна лига. Нема ништо против да играме со ривали од Македонија, Хрватска или Словенија, но во европските натпреварувања, а не во АБА“, изјави српскиот селектор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
