Брајтон им се врати на победите во Премиерлигата откако во 25. коло славеше на гостувањето кај „фенерџијата“ Шефилд Јунајтед со убедливи 0-5.
Убедливата победа на гостите ја олесна Холгејт кој доби директен црвен картон во 13. минута, а со играч помалку Шефилд Јунајтед беше инфериорен на теренот. Буонаноте донесе предност од 0-1 во 20. минута, а четири минути подоцна Велбек стрелаше за 0-2.
Овој резултат остана на семефорот до полувремето, а голеадата продолжи во вториот дел од мечот. Автоголот на Робинсон во 75. минута ја зголеми предноста на Брајтон, а Адингра со два гола во 78. и 85. минута ги постави конечните 0-5.
FT: FIVE STAR ALBION! 🌟🌟🌟🌟🌟
[0-5] 📲 https://t.co/S3j1TIedJv // #BHAFC 🟢⚫️ pic.twitter.com/Qy331OKEOC
— Brighton & Hove Albion (@OfficialBHAFC) February 18, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
