Александар Петровиќ има многу причини за задоволство по денешното одлично издание на МЗТ Скопје на дуелот со Студентски Центар, на кој македонскиот првак ја забележа премиерната победа во АБА-лигата сезонава.
„Металците“ делуваа исклучително зрело, Кефи беше извонреден во нападот, а во одбраната клучната работа беше завршена во третата четвртина, кога беше создадена предност што потоа умешно беше задржана во последните десет минути.
„Мислам дека победивме еден одличен тим кој знае што сака во нападот. Денеска во одбраната спречивме многу работи, 40 минути игравме со принцип како што се договоривме. Ова е голема победа за нас, сезоната продолжува, сега пред нас е дербито со Работнички, а потоа и гостувањето против Цедевита Олимпија. Сигурно дека отсега ќе биде полесно, по овој триумф ќе се симне дел од товарот што се наоѓаше врз грбот на играчите. Морам да ги пофалам сите играчи, но мислам дека Мајк Кефи одигра феноменална партија и се надевам дека ќе продолжи. Ова ни фалеше, една агресивност на пик-играта“, прокоментира Петровиќ на прес-конференцијата по натпреварот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
