Жерар Пике по вложувањата во новиот формат на Дејвис купот, го шири својот бизнис и во фудбалот. Според шпанските медиуми, асот на Барселона го купува тимот од Андора. Неговата цел е да направи професионален клуб кој за неколку години ќе биде конкурентен да насташува и во европските натпреварувања.
Неговата бизнис групација „Космос“ ќе ги отплати долговите на клубот, а договорот според кој набрзо ќе биде ангажиран и нов тренер во Андора, ќе биде потпишан деновиве.
Фудбалерот на Барселона реши да инвестира во овој клуб поради новото натпреварувањето што се подготвува на европско ниво, а во кое според него, за неколку години ќе има шанси да игра и неговиот клуб.
Како што најавува, Пике е подготвен да го искористи претстојниот преоден рок за да го засили тимот.
Фудбалскиот клуб Андора е основан во 1942 година, а моментно се натпреварува во регионалната каталонска лига во која се на 11.место со 17 бода. Претходно тимот на Андора учествувал и во Купот на кралот, а имаат и свој футсал тим.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
