Финансиските проблеми со кои се соочува Барселона веќе неколку години наназад оставија длабока трага во успесите на клубот. Претседателот Лапорта секоја година најавува атак на најголемите трофеи, но реалноста е дека во моментот славниот шпански тим е далеку од нивото на кое што се наоѓаат Реал Мадрид, Манчестер Сити…
На оваа тема говореше и легендата на клубот, Жерар Пике кој упати порака до раководството на тимот да не дава празни ветувања на навивачите и да ја каже вистината. А, притоа им предложи и на што да се фокусираат во следните години.
„Ако реалноста на клубот е дека нема „скршена пара“, мора тоа да се каже. Не можете давате лажни ветувања дека ќе ја освоиме Лигата на Шампиони и потоа немате пари за да се натпреварувате.
Треба да им веруваме на луѓето од Ла Масија кои се многу добри и талентирани. Оставете ги да работат и со младите ќе се обидуваме да ја освоиме Ла Лига“, вели Пике.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
