Стефано Пиоли потврди дека Милан ќе биде сериозно ослабен на утрешното дерби со Интер, бидејќи во нападот на „росонерите“ ќе недостигаат Златан Ибрахимовиќ и Анте Ребиќ.
Двајцата голгетери ја загубија трката со времето и нема да бидат во тимот на градското дерби, дуел на кој Милан не смее да загуби бидејќи во моментов заостанува четири бода зад Интер, воедно и има меч повеќе од „нероаѕурите“.
„Се бориме за да бидеме блиску до самиот врв. Се бориме за титули, за место во ЛШ, најважно е што Милан повторно е конкурентен тим. На дербито со Јуве игравме добро, но ни недостигаа проблеми во завршните дваесетина метри. Сега на ред е Интер, ќе мораме да бидеме подобри во завршниците од акциите. За жал, ќе ги немаме ниту Ибрахимовиќ, ниту пак Анте Ребиќ. Жал ми е за Ибра, тој значително го крена квалитетот на тимот откако ни се приклучи. Сепак, мораме да покажеме дека можеме да добиваме вакви натпревари и без негова помош. Томори работеше напорно и би требало да биде во тимот, но најверојатно нема да стартува од првата минута“, истакна Пиоли на денешната прес-конференција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
