Стефано Пиоли немаше многу причини за задоволство откако Милан одигра далеку под посакуваното ниво на гостувањето против Удинезе, дуел на кој „росонерите“ со гол во судиското продолжение се спасија од пораз.
Стратегот на Милан е свесен кој дел од играта мора да се поправи доколку „росонерите“ сакаат да останат како сериозен конкурент во трката за титулата.
„Имаме еден проблем што ни се повторува цело време – примавме глупави голови затоа што ја губиме топката кога тоа не треба да го правиме. Носиме погрешни одлуки во опасен дел од теренот и казната стигнува. Кога ќе примите први гол, потоа е многу потешко да се вратите, особено против тим што игра одлично на контранапади како што е Удинезе. Момците се свесни дека не играат како што можат, знаеме дека сме многу подобри од она што го покажавме во Удине. Ни недостига и концентрација кога ги градиме нападите од последната одбранбена линија, ќе мора да поработиме на тоа на тренинзите“, изјави Пиоли.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
