Екипата на МЗТ Скопје за играчи до 13 години забележа фантастичен резултат на турнирот во Ботевград, Бугарија, откако триумфираше над рускиот кошаркарски гигант ЦСКА Москва со резултат 65-62. Успехот е уште поголем ако се знае дека ЦСКА го почна мечот фуриозно и поведе со 7-23, но играчите на МЗТ со тренерот Митко Маринковски собраа сили за целосен пресврт и огромна победа.
Рубин Стефанов, син на македонската кошаркарска легенда Врбица Стефанов, беше главна фигура на овој натпревар со 28 постигнати поени, а во одлично издание се покажаа и Благоевски со 17 и Николовски со 10 поени.
Претходно, МЗТ Скопје во првото коло го совлада српскиот клуб Академија Актавис со 48-28, а во втората рунда загуби од домаќинот Балкан од Ботевград со 59-74.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
