Лацио е првиот финалист во Купот на Италија откако „орлите“ излегоа како поуспешни од полуфиналниот двомеч со градскит ривал Рома. Како пресудна се покажа првата победа на „лацијалите“ на која овој меч важеше за домаќин и славеше со 2-0. Иако „волчицата“ најавуваше реванш со иста мера, денешниот втор дуел заврши со минимална победа на Рома од 3-2, по што на тимот на Лучијано Спалети му се заканува уште една сезона без трофеј.
Един Џеко промаши стопроцентна шанса веќе во втората минута, момент што сигурно ќе го одведеше натпреварот во поинаков правец Вака, Лацио беше тимот што два пати поведуваше, преку Милинковиќ Савиќ и Имобиле, додека „волчицата“ два пати израмнуваше преку Ел Шарави и Салах, за со вториот гол на египетскиот интернационалец во 90. минута да стигне до пирова победа.
„Лацијалите“ за ривал во големото финале ќе го имаат подобриот од дуелот Наполи – Јувентус, на кој „старата дама“ по првиот меч има предност од 3-1.
0-1 Sergej Milinkovic-Savic Goal |Roma v… by jason-pitt1
Stephan El Shaarawy Goal HD – AS Roma 1-1 Lazio… by livegoalsfootball
1-2 Ciro Immobile Goal Italy Coppa Italia… by diyan-delev
Mohamed Salah Goal HD – AS Roma 2-2 Lazio 04… by riqezi
Mohammed Salah Second Goal HD – AS Roma 3-2… by sporttivi
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
