Организаторите на трката во Формула 1 во Австралија објавија дека почнувајќи од следната сезона, една од трибините на патеката „Алберт Парк“ во Мелбурн ќе го носи името на возачот на Мекларен, Оскар Пјастри, кој моментално е водечки во генералниот пласман во Формула 1.
Трибината Пјастри ќе биде сместена на главната рута, вклучувајќи ги и најексклузивните места, а воедно и најблиску до стартната линија.
Патеката во Мелбурн веќе има неколку трибини именувани по австралиски возачи како што се Џек Брабам, Артур Вајт, Алан Џонс, Марк Вебер и Даниел Рикардо, додека меѓу другите возачи, Аргентинецот Хуан Мануел Фанџо има своја трибина.
По 14 трки оваа сезона, Пјастри води во шампионатот во Формула 1 со 284 поени, додека неговиот колега од Мекларен Ландо Норис е втор, со девет поени помалку.
Пјастри има можност да стане првиот шампион во Формула 1 кој не е европски, по Канаѓанецот Жак Вилнев, кој ја освои титулата во 1997 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
