Макс Верстапен стигна до нова победа во спринт форматот во Формула 1, овој пат на легендарната Спа во Белгија.
Макс Верстапен веќе го презеде водството во првиот круг по долгата рута Камел, каде што го престигна Пјастри, возачот кој стартуваше од пол-позицијата, непосредно пред шиканата. Во истиот момент, зад нив, Шарл Леклер успеа да го престигне и Ландо Норис. Сепак, четири круга подоцна, Норис го возврати ударот и го престигнува миленикот на Ферари.
Гореспоменатото трио (Верстапен, Пјастри, Норис) веќе ги достигна позициите што ги однесоа до последниот спринт подиум.
И така, Макс Верстапен, како победник на крајот, се искачи на највисокото скалило. Пјастри, како второпласиран возач, заврши лево од него, а на најниското, трето скалило беше Ландо Норис.
Кога станува збор за караванот зад нив, оваа спринт трка беше анти-пропаганда на Формула 1 со оглед на бројот на престигнувања (2).
Споменатиот Шарл Леклер го заврши спринтот на четвртото место. Кога станува збор за другиот возач на Ферари, одличниот Луис Хамилтон, кој стартуваше од 17-та позиција, го заврши спринтот на 15-то место.
Позитивната приказна на денот е тимот на Хаас, Естебан Окон го заврши спринтот на 5-то место пред Карлос Саинц од Вилијамс. Додека помладиот колега на Окон, Оли Берман, заврши седми.
Квалификациите за главната трка на Големата награда на Белгија се закажани за денес со почеток во 16 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
