Пливачкиот клуб „Струга“ од Струга беше еден од најуспешните на Меѓународниот пливачки натпревар „19 Делфин Куп 2025“ во Скопје, на кој учествуваа пливачи од Македонија, Србија и Косово.
Од ПК „Струга“ уште еднаш потврдувајќи ја својата долгогодишна традиција како еден од најдобрите домашни клубови освоија вкупно 19 медали, дополнети и со пехар за најдобар пливач во категорија.
Според официјалните резултати ПК Струга е најдобар клуб по освоени медали во категоријата 2016 и втор на митингот по освоени медали во категоријата 2017 и помлади, односно прв клуб од Македонија.
Пехар за најдобар пливач на митингот во категорија пливачи до 2016 година освои Сара Филева која е натпреварувач со освоени најмногу медали на натпреварот од сите категории на кој зедоа учество преку 420 пливачи.
Сара Филева освои вкупно 6 медали од кои 4 златни (50 метри слободно, 50 метри грбно, 50 метри делфин и 50 метри мешано) и две сребрени одликувања.
Матеј Јолдески освои 4 медали (една златна, една сребрена и две бронзени), Ангела Филева се закити со една златна и две сребрени медали, Оги Вранишкоски со две сребрени медали, а Максим Тодороски освои сребрен медал на 100 метри делфин и бронза во дисциплината 100 метри грбно.
Бојана Костоска и Илија Тодороски освоија по еден бронзен медал, додека сите останати пливач(к)и од ПК Струга ги подобрија своите најдобри времиња во дисциплините во кои настапија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
