Во исчекување на утрешното големо дерби помеѓу Вардар и Шкендија, денеска се играат уште два натпревари од 21. коло во ПМФЛ, кој може да бида решавачки за опстанокот во „елитата“.
Во Ѓорче Петров, Македонија ЃП игра против Работнички, и доколку триумфира, во голема мера ќе ги направи работите појасни, односно ќе го испрати Работнички директно во Втората лига, а „лавовите“ ќе водат жестока битка за избегнување на третото место кое носи во понизок ранг.
„Нормално е да посакуваме победа. Тоа не е нешто што би изненадило никого. Ние секогаш кога излегуваме на терен посакуваме да победиме. Секој домашен меч сезонава за нас е од огромна важност и нормално е со таков пристап да влегуваме. Секоја чест кон Работнички квалитетен тим, местото на табелата не ја отсликува силата на оваа екипа, но ние веруваме во нашиот квалитет и ќе го дадеме максимумот. Бодовите нас ни се неопходни, и вакви шанси за нивно освојување не смееме да пропуштаме повеќе“ – изјави Филип Стојчевски.
“Овој е многу важен натпревар за нас. Знаеме колкава вредност имаат бодовите во оваа фаза од шампионатот и максимално се подготвивме за да го дадеме најдоброто од себе на теренот. Го почитуваме противникот, но ќе влеземе со победнички менталитет”, вели Армин Бесагиќ, играчот од средниот ред на Арсими.
Тиквеш, после поразот од Силекс на домашен терен, посакува да се врати на победничките патеки.
„На претходниот натпревар не бевме на посакуваното ниво и реално одигравме под нашите можности. Тоа не е сликата што сакаме да ја покажеме. Натпреварот го анализираме, ги увидовме грешките и знаеме каде треба да се подобриме. Не очекува еден исклучително важен натпревар во Гостивар, максимално ја респектираме екипата на Арсими, мора да влеземе со силна желба, максимално мотивирани и фокусирани од првата до последната минута за да дојдеме до посакуваниот резултат. Не очекува натпревар што сигурно ќе привлече внимание“, изјави фудбалерот на Тиквеш, Никола Најдовски.
ПМФЛ, 21. КОЛО- ДЕНЕСКА (14:00 ЧАСОТ)
Скопје, Ѓорче Петров: МАКЕДОНИЈА ЃП – РАБОТНИЧКИ
Гостивар: АРСИМИ – ТИКВЕШ
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
