Централниот дефанзивец на Милан, Симон Кјaер потврди дека ги напушта Росонерите на крајот од сезоната и изрази благодарност до клубот и навивачите на тимот. 35-годишниот Данец помина четири и пол години на Сан Сиро, забележа 120 настапи за Милан и ја освои шампионската титула во сезоната 2021/22.
Неговиот договор истекува на крајот од тековната сезона и нема да биде обновен.
„Ова е вистинско време да се збогуваме. Ви благодарам на сите. Ова е мојот клуб, мое место и секогаш ќе биде. Беше чест да играм за него. Времето поминато овде за мене е гордост и остварување на сонот. Кога ќе ја завршам кариерата, ќе се вратам во Милано со моето семејство бидејќи ова е мојот дом“, изјави Кјaер за клупската телевизија на Милан.
Simon, it’s been amazing ❤️
Watch it in full 👉 https://t.co/k2zluibzhx #TakSimon #SempreMilan
— AC Milan (@acmilan) May 21, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
