Македонскиот прволигаш Победа е освојувач на годинашното издание на традиционалниот фудвалски турнир „Вуко Каров“ во Кавадарци. Прилепчани го одбранија пехарот освоен лани, откако во финалето беа убедливи против домашниот тим на Тиквеш со 6-0.
Разликата во квалитет на овој дуел беше очигледна. Лука Трајкоски уште во четвртата минута го отвори резултатот во корист на Победа, а Николче Шаркоски во 19.минута зголеми на 2-0. Искусниот Благоја Гешоски само четири минути подоцна постигна трет гол за прилепчани, а Јорданчо Наумоски во 32.минута погоди од слободен удар за 4-0.
Во вториот дел, Лука Трајковски и Благоја Гешоски постигнаа уште по еден гол за конечни 6-0 во корист на Победа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
