Александар Боричиќ, поранешен одбојкарски репрезентативец и долгогодишен претседател на Одбојкарската федерација на Србија, почина на 4 март во Белград.
Веста за смртта на Боричиќ ја сподели Владимир Вања Грбиќ на социјалните мрежи.
„Тукушто дознав дека претседателот на одбојкарската федерација на Југославија, Србија и Црна Гора, претседателот на ЦЕВ и потпретседателот на ФИВБ, Александар Боричиќ, починал поради последици од мозочен удар“, напиша Грбиќ.
„Нема да ги набројувам успесите, титулите, хобијата и заслугите. Има многу од нив. Човекот од кого научив најмногу за спортската дипломатија и управувањето со спортскиот процес. Најодговорен за успесите на златната генерација и статусот на нашата одбојка. Иако беше попречуван од некои поради неговиот интегритет, тој остана лојален на себе, на своето семејство и на она што го сакаше до крајот. ЧОВЕК пред сè. Нека ви е лесна земјата. Ви благодарам за сите совети и предлози“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
