Ханси Флик, новиот тренер на Барселона, полека го дефинира составот на екипата за следната сезона. Сега пречкрта еден играч, а тоа е Маркос Алонсо. Искусниот Шпанец ќе биде слободен играч од летово и ќе може да си бара нова средина.
Оваа вест не е неочекувана, со оглед дека Алонсо играше малку во штотуку завршената сезона. Тој има одиграно вкупно осум меча, три во ЛШ и пет во Ла Лига, и на теренот мина 359 минути.
Договорот на Алонсо веќе истекува, и нема да биде продолжен. Барселона можеше автоматски да го продолжи на уште една сезона, но не ја искористи таа можност. Алонсо е дете на Реал Мадрид, а потоа замина во Болтон, па во Фиорентина и Сандерленд, пред да се пресели во Челси, каде што ги имаше најубавите денови во кариерата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
