Без пауза, денеска почнуваат 1/8 финалните возбудувања на Светсткото првенство во Катар. Селекциите на Холандија и Аргентина вечерва го стартуваат својот поход кон пласманот меѓу најдобрите осум селекции во дуелите против САД и против Австралија. Фаворитите ќе ја оправдаат улогата, или можни се нови изненадувања? Досега ниту една селекција не се истакна со максимален број на победи, па од тука не треба да се смета дека фаворитите се сигурни во пласманот во следната фаза.
Холандија без пораз влегува во пресметката против САД. „Лалињата“ ја завршија групата со две победи и едно „реми“, додека САД исто така нема ниту еден пораз и со една победа и две ремија ја завршија групата и се пласираа во следната фаза.
Селекторот на Холандија, Луј Ван Гал е внимателен пред пресметката со Американците.
„САД демонстрираше дека се одлична селекција. Според мене една од најдобрите во групната фаза на Светското првенство“, рече Ван Гал.
„Сум работел во Холандија и добив многу пораки од пријатели. Но, вечерва ќе биде поинаку. Ова е плеј-оф натпревар во кој никој нема право на грешка. Убаво е да видам некои играчи со кои сум работел во минатото“, изјави селекторот на САД Грег Берхалтер кој работеше во Холандија неколку години.
Аргентинците после шокантниот пораз од Саудиска Арабија во првото коло, ги совлада селекциите на Полска и Мексико за пласман во следната фаза. Австралија, пак, заврши во групата како второпласирана со две победи и еден пораз.
„Атмосферата во селекцијата е одлична, особено на последниот натпревар. Благодарност до навивачите кои прават да играме како дома. Австралија се добра екипа, имаат добри играчи и ние ќе се обидеме да им возвратиме. Ако одиграме како што одигравме на последните два натпревари. Ваквите натпревари се секогаш тешки и сигурно дека ќе биде тешко, но се надеваме на победа“, вели Скалони.
„Секако дека сакаме да ја победиме Аргентина. Ги цениме, но се цениме и себе си, и веруваме во себе. Ми се допаѓа тоа што не сметаат како аутсајдери, тоа може многу да ни значи“, рече австралискиот селектор Грем Арнолд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
