Драган Лабовиќ, своевремено големиот талент на српската кошарка почина на 38-годишна возраст. Србинот во блескавата кариера освои се што можеше да се освои во младинските категории, со успех настапуваше и на сениорско ниво, а остави и длабока трага во мак-баскетот со настапот за Карпош Соколи.
На македонската сцена се појави во сезоната 2016/17 и беше дел од најголемиот успех на тимот од Карпош освојувајќи го Купот на Македонија, завршувајќи го првенството како вицешампион, но и носејќи му опстанок во АБА лигата.
Особено беше рапсоложен за настап против својот поранешен клуб ФМП завршувајќи го натпреварот во Скопје со 21 поен, осум скокови и шест украдени топки за индекс на корисност 30.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
