На пет дена пред одигрување на натпреварот против Аусбург од 11. коло во Бундеслигата на теренот на Баерн Минхен воопшто нема трева. Причината за тоа е целосната промена на тревата по НФЛ натпреварот помеѓу Пантерс и Џајантс кој беше дел од европската турнеја.
Играчите на американскиот фудбал ја оштетиле тревата па таа ќе биде експресно променета, а старата трева која е веќе спакувната ќе го најде своето место на терените на младинските школи.
Во минатото ваков потег би бил потполно незамислив бидејќи треба време додека тревата израсне, но сега процесот е далеку побрз. За него се грижи Петер Сауер, стручен човек кој од 2023 година е дел од Баерн Минхен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
