Кошаркарот на Филаделфија, Пол Џорџ, беше опериран на левото колено во Њујорк откако се повреди за време на неодамнешниот тренинг, објави клубот.
Искусниот 35-годишен играч, деветкратен Ол-стар играч, пристигна во Филаделфија минатото лето откако играше за Индијана, Оклахома и Лос Анџелес Клиперс по стартот на својата НБА кариера во 2010 година.
За време на неговата прва сезона во Филаделфија, Џорџ беше надвор од теренот од средината на март поради проблеми со коленото и препоните.
Во 41 одигран натпревар, тој имаше просек од 16,2 поени, 5,3 скока и 4,3 асистенции по натпревар.
Засега не е познато кога Џорџ ќе се врати на теренот, но известувањата се дека нема да биде дел од тимот до крајот на календарската година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
