„Срам за Аргентина“, е насловот во водечкиот аргентински спортски медиум „Оле“, по големите инциденти и неодиграниот реванш финален меч од Копа Либертадорес меѓу големите ривали, Ривер Плата и Бока јуниорс. По нападот на автобусот со гостинските фудбалери се водеше вистинска војна на улиците меѓу фановите на Ривер и полицијата.
Повеќе од 50 повредени навивачи и полицајци е епилогот на жестоките пресметки, а се уште во шок се и фудбалерите на Бока јуниорс кои не беа во состојба да го одиграат натпреварот. Најдебелиот крај го извлече Пабло Перез, кој се задоби со расекотина на окото.
Допрва ќе се анализираат причините за големите инциденти, но веќе се појавија обвинувања за комплетно фијаско на работата на полицијата. Воопшто не беше обезбедена маршрутата на движење на автобусот на Бока јуниорс, а на фановите им беше дозволено да се организираат во поголеми групи. Покрај тоа се појавија и видео-материјали каде полицијата употребува сила и пред да се случат првите инциденти, дополнително потпалувајќи ја атмосферата.
Video grabado por uno de los policías que escoltaba al plantel de #Boca. No se ve un solo patrullero. Duele mucho escuchar los proyectiles impactando en el micro xeneize. Parte I pic.twitter.com/4k0w95642s
— German Garcia Grova (@GerGarciaGrova) November 25, 2018
Video grabado por uno de los policías que escoltaba al plantel de #Boca. No se ve un solo patrullero. No se llega a divisar de donde salen los gases lacrimógenos que lastimaron a los jugadores de #Boca. Parte II pic.twitter.com/tToE9b6sK9
— German Garcia Grova (@GerGarciaGrova) November 25, 2018
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА