Вистинска трансфер бомба oд Максимир доцна синоќа. 27-годишниот фудбалер на Милан, Исмаел Бенасер ќе биде нов член на Динамо Загреб.
Оваа вест ја потврди експертот за трансфери, Фабрицио Романо, кој тврди дека договорот е веќе постигнат.
„Динамо Загреб е во финални преговори со Исмаел Бенасер од Милан. Алжирецот треба да се приклучи на хрватскиот тим. Тој веќе треба да биде во Хрватска денеска“, објави Романо.
🚨🇭🇷 EXCLUSIVE: Dinamo Zagreb are in advanced talks to sign Ismael Bennacer from AC Milan.
Understand very advanced negotiations taking place for Algerian midfielder to join the Croatian side.
He could fly to Croatia already today! ✈️🇩🇿 pic.twitter.com/ofbULavhQr
— Fabrizio Romano (@FabrizioRomano) September 4, 2025
Бенасер е дел од Милан шест години и неговото доаѓање на Максимир дефинитивно е огромно изненадување. Претходните шест месеци ги мина на позајмица во Марсеј. Играше 12 пати, а гигантот од Велодром не го откупи неговиот договор.
Бидејќи Макс Алегри не сметаше на неговите услуги оваа сезона, беше одлучено Алжирецот да биде продаден. Беше поврзуван со турскиот Трабзонспор, но тој одби да оди во Турција. Динамо се појави ненадејно. Бенасер ја прифати поканата на Звонимир Бобан и е подготвен да дојде во Загреб.
Во текот на претходните шест години, Бенасер одигра 178 натпревари за „росонерите“ и постигна осум гола и имаше 12 асистенции.
Во текот на својата кариера, овој одличен играч од средниот ред играше и за Емполи, Арсенал и Тур.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
