Полската тениска репрезентација се пласираше во полуфиналето на Јунајтед купот, откако во Сиднеј дојде до недостижно водство од 2-0 против Велика Британија.
Полска го освои првиот бод со победата на Хуберт Хуркач над Били Харис 7-6 (3), 7-5. Решавачкиот бод на Полска и го донесе втората тенисерка во светот Ига Швјонтек која по речиси три часа игра ја совлада 24. тенисерка во светот Кети Бултер со 6-7 (4), 6-1, 6-4.
Полска ќе се бори за пласман во второто последователно финале на Јунајтед купот против Казахстан, кој во средата го елиминира минатогодишниот победник Германија.
Соединетите Американски Држави, кои се шампиони од 2023 година, исто така стигнаа до полуфиналето и го чекаат победникот од петочната четвртфинална пресметка меѓу Италија и Чешка.
Финалето ќе се игра во недела.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
