Македонија има предност од 45-39 по првото полувреме од мечот со Полска, последен натпревар за нашата репрезентација во квалификациите за Евробаскет 2025. „Црвено-жолтите“ имаат контрола над резултатот, предводени од Шортс и Димитријевиќ го контролираат темпото и заслужено заминаа на одмор со „плус шест“, во овој дуел на
Јончевски изненади со одлуката мечот да го стартува без Шортс во почетната петорка, со Димитријевиќ, Војдан Стојановски, Ѓуроски, Зеќири и Бојан Крстевски. Имавме очигледно проблеми во нападот во првите три и пол минути, во кои постигнавме само една тројка преку Димитријевиќ (3-6). Војдан Стојановски од контранапад донесе прво водство на Македонија од 8-6. а Шортс и Маслинко влегоа заедно во 6. минута при езултат 10-10. Македонија заигра подобро со Шортс и Димитријевиќ на теренот, Американецот погоди две тројки и донесе водство од 21-16, потоа и ја заврши четвртината со дополнителни пет поени, по што на крајот од првиот период резултатот гласеше 26-19 за Македонија.
Втората четвртина ја почнавме со тројка на Робев за наше прво двоцифрено водство (29-19). По излегувањето од игра на Шортс (две лични грешки) Полска ја преполови негативата, па резултатот во 15. минута гласеше 34-29 за Македонија. Димитријевиќ влезе во ритам, ја вративме предноста на девет поени (40-31), принудувајќи го полскиот селектор на тајмаут. Судиите стапија на сцена со катастофално досудена лична грешка во напад на Димитријевиќ по очигледен прекршок над нашиот плејмејкер. Успеавме да го исконтролираме резултатот, но Полјаците дадоа тројка на 11 секунди до крајот и ја спуштија разликата на поподносливи шест поени.
Ти-Џеј Шортс игра извонредно и за девет минути на теренот има 13 поени без промашување (2/2 за три, 3/3 за два поени), Димитријевиќ има 11 поени и 5 асистенции, додека Маслинко и Зеќири со по седум поени даваат значаен придонес во рекетот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
