Македонската кошаркарска репрезентација има негатива од 44-38 на полувремето од натпреварот против Словачка во претквалификациите за Евробаскетот 2025.
Лошото отварање на натпреварот и изгубените топки во транзиција кои наместо лесни поени за „црвено-жолтите“ донесоа предност за Словачка на спротивната страна и ја донесоа и иницијативата на домаќините од самото отварање. А, и покрај тоа што избраниците на Јончевски со добри минути во втората четвртина успеаја да стигнат и до целосен предсврт (29-34), лошата одлука на Робев во одбарната која донесе неспортска лична грешка целосно го промени ритамот во финишот на првото полувреме.
Словаците поентираа шест поени во еден напад, ја превземаа предноста и овој пат повторно ја задржаа до крајот на четвртината за +6 пред вторите дваесет минути.
Со 8 поени и 4 скока Маслинко е прво име во нашиот состав, а на спротивната страна 13 поени и 4 асистенции забележа Крајчовиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
