Ненад Димитријевиќ го игра најдоброто полувреме во професионалната кариера на дуелот од Еврокупот меѓу неговиот Хувентуд и рускиот гигант Уникс Казан. Нашиот плејмејкер е незапирлив за кошаркарите на рускиот клуб, па иако на теренот мина неполни осум минути, Димитријевиќ веќе има 17 поени зад своето име.
Македонскиот репрезентативец влезе во игра кон средината на првата четвртина додека Хувентуд беше во негатива, но веднаш донесе пресврт. Димитријевиќ најпрвин изнуди три прекршоци и реализираше шест слобдони фрлања во низа, а потоа влезе во серија погодоци од поле, како за два, така и за три поени. Домаќините предводени од Македонецот стигнаа и до двоцифрена предност, но откако тренерот реши да го повлече од игра рускиот тим успеа да ја намали негативата и целосно да се врати во мечот, па на одмор се замина со минимални 44-42 за Хувентуд.
Зад името на Димитријевиќ по првото полувреме стои: 7:42 минути игра, 17 постигнати поени (1/2 за тројка, 4/4 за два поени, 6/6 од линијата за слободни фрлања), со по еден скок, асистенција и украдена топка.
.@Neno_D7 and @SimonBirgander connect for a great pick-and-roll play!@Penya1930 #7DAYSMagicMoment pic.twitter.com/hoShmf0mjP
— 7DAYS EuroCup (@EuroCup) December 15, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
