Седумкратниот светски шампион во Формула 1, Михаел Шумахер, на 29 декември 2013 година доживеа тешка несреќа додека скијаше на француските Алпи. Скијајќи надвор од патеката во ски-центарот Мерибел, изгубил контрола и паднал, удирајќи со главата во карпа. Иако носел кацига, се здобил со сериозни повреди на главата.
По несреќата, Шумахер со хеликоптер бил префрлен во болница во Гренобл, каде му биле извршени две операции на мозокот и бил ставен во медицински индуцирана кома. Тој помина околу шест месеци во кома, а во јуни 2014 година беше префрлен во неговиот дом во Швајцарија на понатамошна рехабилитација.
Оттогаш, информациите за неговото здравје се ретки бидејќи семејството строго ја чуваше неговата приватност. Познато е дека Шумахер е на долготрајна рехабилитација, но детали за неговиот напредок не се јавно достапни. Неговата сопруга Корина изјави во документарен филм од 2021 година дека Мајкл е „тука, но поинаков“, нагласувајќи ја важноста на семејната поддршка во неговото закрепнување.
И покрај ретките информации, познато е дека семејството на Шумахер вложува значителни напори во неговата нега и рехабилитација. Неговиот син Мик, кој исто така е тркачки возач, постојано изразува желба да разговара со својот татко, сугерирајќи дека комуникацијата со Михаеле ограничена.
Десет години по несреќата, братот на Шумахер, Ралф изјави дека „му недостасува Михаел од порано“ и дека „ништо повеќе не е исто“, што дополнително ја потврдува тежината на ситуацијата.
Семејството не сака да зборува за неговата состојба, па ова создаде многу површни информации.
Претходно семејството на Шумахер ја доби судската битка против магазинот Бунте поради ширење лажни информации за здравјето на Шумахер. Во 2015 година, Бунте објави дека Шумахер може да оди со мала помош од терапевтот и дека може да ја крене раката. На суд, неговиот адвокат Феликс Дам потврди дека и со помош на физиотерапевт, легендата не може да застане на нозе. Во јуни 2019 година, се дозна дека Мајкл се лекува со матични клетки. Тие беа инјектирани во неговото тело за да се создаде антиинфламаторен одговор и да се создаде одговор на мозокот.
Во 2021 година беше објавен документарен филм на Нетфликс за кариерата и животот на легендарниот возач. Ниту во него беше откриено во каква состојба е денес.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
