Мексиканскиот репрезентативец и долгогодишниот дефанзивец на Барселона, Рафа Маркес (38), обвинет е за шверц со дрога. Еден од најдобрите фудбалери на Мексико на сите времиња кој се уште е член на репрезентацијата на својата земја се наоѓа на списокот од 22 лица за кои Владата на САД објави дека се поврзани со препродавање на дрога.
Маркез е осомничен дека учествувал во криумчарење на дрога на територијата на САД, соопштија надлежните органи во САД.
Истрагата покажа дека Маркес бил поврзан со нарко-картел и со злогласниот Раул Флорес, соопшти Обвинителство на САД по долгогодишната истрага.
Поранешниот дефанзивец на Барселона, денес е играч на мексиканскиот Атлас и на репрезентацијата на Мексико. Покрај Маркес, осомничени се уште неколку играчи на Атлас.
Рафа Маркес настапуваше за Барселона во периодот од 2003 до 2010 година и запиша 163 настапи за каталонскиот тим. Освен во Барселона, мексиканскиот фудбалер го носеше и дресот на Монако, Ред бул од Њујорк, мексиканскиот Леон и на Верона, а сега е капитен на прволигашот Атлас од Гвадалахара.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
