Поранешниот играч на Вардар, ерменскиот интернационалец Тигран Барсегјан, би можел во иднина да настапува во шпанската Ла Лига во тимот на Еспањол, јавуваат казахстанските медиуми.
Барсегјан во моментов игра во Астана и е во добра форма, па така шпанскиот тим се интересира за неговите услуги и би можел да го земе во јануари и тоа како слободен играч со оглед дека во декември му истекува договорот со тимот од Казахстан.
Исто така заинтересиран за неговите услуги е и тимот на Слован Братислава.
Тигран Барсегјан беше во Вардар во перидот од 2016 до 2018 година, и беше еден од заслужните за историскиот пласман на екипата во Лигата на Европа.
Тој е стандарден ерменски репрезентативец и се очекува да игра и против Македонија на 11. ноември.
Updates on #TigranBarseghyan situation 👇#Armenia|n NT has offers per now – from @SlovanB and @RCDEspanyol 😮 – 3 year contract both. But #Barseghyan will choose #Slovan as per more chances to be in starting11#transfers #RCDEspanyol pic.twitter.com/87t1SKaroz
— Robert Gasparyan (@RRobGasparyan) October 30, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА