Поранешниот кошаркар на Кожув и доскорешниот најдобар „3 на 3“ играч во светот, Душан Булут постави нов рекорд по бројот на асистенции во силото „Биг 3“ првенство каде настапуваат и поранешни НБА ѕвезди.
Србинот во поразот на својот тим од Пауер шест пати асистираше до своите соиграчи со што стигна во вкупно 36 асистенции во сезона. На тој начин го собори рекордот на Леандро Барбоса и се искачи на врвот на битката за титулата најдобар асистент.
Nobody has dropped more dimes in a BIG3 season than @MrBullutproof. 36 assists is your new single-season record! pic.twitter.com/dp8gNGHOxC
— BIG3 (@thebig3) August 7, 2022
Булут во просек постигнува 5.1 асистенција, а покрај тоа додава и 13.7 поени и 3.3 скока по меч со што го предводи тимот во кој се уште Карлис Ласманис, Дешон Стивенс, Томислав Ивошев и Адам Дракслер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА