Македонскиот првак Еурофарм Пелистер и дефинитивно ги загуби сите шанси за пласман во 1/8 финалето во Лигата на шампионите, откако беше поразен од Фуксе Берлин со 39-29. Со тоа битолчани ќе останат на 7. позиција на табелата.
На едно коло до крајот, Еурофарм Пелистер има два бода помалку од Динамо Букурешт и Висла Плок, но и во двата меча противниците се со подобар меѓусебен скор од македонскиот првак, и затоа на битолчани им требаа две победи во последните две кола, но не успеаја во мисијата.
Ако Пелистер добро се држеше во првиот дел, во кој замина со негатива од три гола 15-12, во второто полувреме германскиот тим само ја покажа својата доминација, за на крај да слави убедлив триумф. Највисоките 10 голови разлика Фуксе ги оствари на крајот од средбата.
Гидсел и Лангоф со по девет голови беа најефикасни кај домашните, додека Кузмановски кај Пелистер постигна седум гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
