Спортинг Лисабон на нашиот Стефан Ристовски загуби во големото португалско дерби од вечниот ривал Бенфика со 0-2 во натпревар од 17. коло во шампионатот на Португалија.
Во првото полувреме иако Бенфика беше за нијанса подобар противник мируваа мрежите на двете страни и на пауза се замина без голови 0-0. На почетокот на второто полувреме домашните навивачи на теренот фрлија факели, поради кои на пет минути беше прекинат дуелот. Сепак, брзо беше расчистено се од редарите и натпреварот продолжи без поголеми проблеми.
Во продолжението на мечот Спортинг беше подобар противник, но тимот на нашиот Ристовски не успеа да ги искористи шансите, по што следеше казна, а гостите поведоа со голот на Рафа Силва во 80. минута. Рафа Силва уште еднаш го замолкна „Жозе Алваладе“ откако во 99. минута ги постави конечните 0-2. По киксот на Порто и поразот од Брага со 1-2, Бенфика со победата се одлепи на плус седум на првенствената табела, додека Спортинг останува четврти со 29 поени, дури 19 помалку од најголемиот ривал.
A partida está interrompida devido ao arremesso de objetos pirotécnicos por parte dos adeptos da casa para o relevo. #SCPSLB pic.twitter.com/pxDnV3VyXY
— َ (@Futebol_2020) January 17, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
