Фудбалската репрезентација на Боливија приреди едно од најголемите изненадувања на јужноамериканските квалификации за Светското првенство во 2026 година – го победија моќниот Бразил со 1:0 на голема надморска височина од 4.150 метри, во градот Ел Алто.
Со победата против „Кариоките“, репрезентацијата на Боливија го обезбеди седмото место на табелата и пласман во меѓуконтиненталниот плејоф, оставајќи ја зад себе селекцијата на Венецуела, која претрпе тежок пораз против Колумбија (6:3).
Клучниот момент се случи во судиското продолжение од првото полувреме, кога Мигел Терсерос постигна пенал за историските 1:0. Тоа беше гол кој ги запали трибините на стадионот, но и им зададе сериозен удар на Бразилците, кои во остатокот од натпреварот не успеаја да возвратат, и покрај тоа што важеа за фаворити.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
