Изминатава ноќ беа одигра седум натпревари во НБА лигата од кои како најинтересен се издвои оној меѓу Јута и Портланд во Солт лејк сити.
Иако во третата четвртина Портланд имаше предност и од +16 поени, домашните на крајот славеа со 117-114. Завршницата беше повеќе од тензична со многу протести кон судиите и објективно грешки во судиските одлуки. На 13,5 секунди пред крајот, Демијан Лилард тргна на положување, па со поени од оваа акција Портланд би израмнил на 116-116. Неговиот обид го блокира Гоберт, но сите во гостинскиот табор беа сигурно дека поените ќе бидат признати поради надолната линија на топката во моментот на блокадата. Но, тоа не се случи, поради што Лилард сосема оправдано збесна по таа судиска одлука.
Damian Lillard is HEATED after the refs missed a goaltending call which resulted in a Blazers loss pic.twitter.com/SOkvELhVtS
— Hoop Central (@TheHoopCentral) February 8, 2020
Неколку секунди потоа Бојан Богдановиќ од линијата за слободни фрлања погоди едно и ги постави конечните 117-114.
Најефикасен на натпреварот беше Демијан Лилард со 42 поени, а неговиот соиграч МекКалум постигна 27 поени. Кај Јута се истакна Богдановиќ со 27 поени.
Интересно беше и во Вашингтон, каде домашните славеа со 119-118 против Далас со посените на секунда пред крајот на Бредли Бил. Тој беше и најефикасен на мечот со 29 поени.
Bradley Beal cuts and lays in the @WashWizards GAME-WINNER! #RepTheDistrict pic.twitter.com/J2xORYj7yj
— NBA (@NBA) February 8, 2020
Сакраменто на свој паркет лесно го победи Мајами со 105-97. Кај Сакраменто се издвои Богдан Богдановиќ со 23 постигнати поени.
Филаделфија славеше против Мемфис со 119-107, Бостон беше подобар од Атланта победувајќи со 112-107. Индијана загуби од Торонто со 106-115, а Оклахома го победи Детроит со 108-101.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
