Фудбалерите на Порто стигнаа до титулата во португалскиот фудбалски шампионат, откако во претпоследното коло славеа на гостувањето кај Бенфика на „Луж“ во дербито на португалскиот фудбал со минимални 0-1.
Очекувано тврд натпревар во кој двата тима, не му дозволија на противникот да се разигра, а за издвојување до самиот крај на натпреварот беше само поништениот гол на напаѓачот на домашните Дарвин Нуњез во 52. минута.
Голот победа и нова титула за Порто го постигна Заиду во 94. минута на асистенција на Пепе.
Ова за Порто e јубилејна 30. титула во шампионатот на Португалија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
