Голманот на Манчестер Јунајтед, Андре Онана беше исклучен од составот кој во Премиерлигата се сретна со Њукасл Јунајтед поради катастрофалнтие грешки на средбата со Лион во Лига Европа, но и неговата замена Алтај Бајиндир не се прослави на голот на „црвените ѓаволи“.
Со оглед на важноста на реваншот против францускиот тим Аморим нема повторно да ризикува со турскиот голман и меѓу стативите ќе го врати Андре Онана, давајќи му шанса да докаже дека е вистински избор за прв голман, потврди и самиот португалски стратег.
„Онана ќе игра утре. Првенствено морам да размислам и како тренер и како поранешен фудбалер, се обидувам да помогнам на играч во ситуацијата во која е тој. Често говориме за менаџирање со фудбалерите физички, но мораме да ги менаџираме и психички. Мора да се се врати во комбинација. Тој е подготвен. Имаше еден викенд да се пронајде себе си, му требаше да одмори.
Дилемата постои, но така е кога сте тренер. Секоја одлука има две опции. Може да игра многу добро утре, во што сум сигурен, но доколку е спротивно луѓето ќе кажат дека е погрешка одлука. Никогаш не знаеме“, изјави Аморим.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
