Кристијано Роналдо продолжува да ги тресе мрежите на противниците во дресот на португалската репрезентација откако големиот ас донесе пресврт и победа од 2-1 на дуелот со Шкотска.
Интересно, селекторот Мартинез го остави Кристијано на клупата од самиот почеток, но откако Шкотите имаа 0-1 по првите 45 минути Роналдо влезе во игра на самиот почеток од второто полувреме.
Бруно Фернандеш израмни на 1-1, при овој резултат Роналдо два пати го погоди дирекот од противничкиот гол, за на крајот во 90. минута да го постигне победничкиот гол за тотална еуфорија на теренот и на трибините на стадионот „Луж“.
Ова беше вкупно 132. погодок за Роналдо во неговата репрезентативна кариера, а Шкотска е 48. различна селекција против која Кристијано успеал да се запише меѓу стрелците.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
